الحريف - تعرف ازاي انك في مصر

* لما تلاقى واحد واقف الساعة 7 الصبح بينظم المرور ومش مستنى فى المقابل حاجة
* لما رئيس وزراء دولة يصلى جنبك ع الرصيف
* لما تسمع واحد فى الشارع بيقول تعدى اول دبابة تانى دبابة تالت دبابة تدخل يمين فى شمال
* لما هدايا عيد الأم هذا العام تبقى سبراى سيلف ديفنس...صاعق كهربائى...مسدس صوت
* لما أبوك يقولك كفاية نت بقى هفصله عنك..ترد تقوله إنت عارف أخر واحد عملها عملنا فيه إيه
* لما الناس لسة لاقية تاكل فى بلد بتتنهب بقالها 30 سنة
* لما أبوك يسيب أخبار التلفزيون ويجى يقولك شوفلى الناس بتقول إيه على تويتر
* لما زمان كان عندى القدرة أتفرج على تلت ولا أربع ماتشات كورة ورا بعض و مزهقش...ودلوقتى أزهق من شوط واحد
* لما الجيش يبعتلك مسجات أكتر من خطيبتك
* لما الإخوان المسلمين يجتمعوا بالمجلس العسكرى, وأمن الدولة يصبح تنظيم محظور
* لما أهلك يفتخروا بيك قدام الناس ويقولو ده مش بيقوم من عالفيس بوك
* لما العالم كله يتابع السباق الرئاسى فى مصر كأنه إنتخابات أمريكا
* لما نبقى طول عمرنا بنقول نفسنا نبقى زى أمريكا وبعدين أوباما يطلع يقول نفسنا ولادنا يبقوا زى المصريين

يبقي تقول فعلا بجد انك مصري بكل فخر

أخيكم
أحمد الحريف

الله ينور عليك ياستاذ احمد
هى دى مصر وهما دول رجالة وولاد مصر
الله عيلكى يامـــــــــــصـر

الله ينور ايه الاستاذ احمد بيتريق
كل اللي قاله ده مالهوش غير اسم واحد
الفوضي
لكن تعرف ازاي انت في مصر
لما مياء النيل تنضف ومحدش يرمي فيها مخلفات او صرف صحي
لما العامل يشتغل ويزود انتاجه
لما الناس تمشي في الشارع وتحترم قواعد المرور بدون الحاجه لعسكري
لما تقابل جارك او صحبك او اي شخص بابتسامه وتقوله نهارك سعيد
لما الصغير يحترم الكبير
بكدا ممكن تقول هي ده مصر
ويارب يتحقق كلامي