سعيد شافعى والنمو الاقتصادى-من موقع الجمره الشقيق

default قصيده النمو الأقتصادى للشاعر سعيد الشافعى

رسالة جديدة من طرف حقانى اليوم في 5:33 am
+
----
-
النمو الأقتصادى
والرعايه الأمريكيه
والخضوع الغير أرادى
للأراده السلطانيه
والحكومه والبارومه
والزياده السكانيه
بالأضافه للصرافه
والكساد والمديونيه
كل ده مقدور عليه
رغم تهويل الرعاع
رغم أحقاد الجياع
رغم تأثير الصداع
النمو الأقتصادى
0000ف أرتفاع
بالسلوك الأنضباطى
بالرصيد الأحتياطى
النمو الأقتصادى
جهد أشبه بأختراع
تحت أشراف الدكاتره
والوزاره والقطاع
قفزه بتسيب أنطباع
أن أى حقيقه مره
تبقى حلوه بالخداع
النمو الاقتصادى ف انتعاش
خصخصه وقرشين وتطلع على المعاش
عوض الحرمان وعيش
قرش حالك من مافيش
يلا عيش ولا تشتكيش
ياله موش عارف تعيش
وضب الشقه الى وكلاها البارومه
وادعى من قلبك وقول تحيا الحكومه
النمو الاقتصادى فى أزدهار
والرصيد الاحتياطى
بالدرخمه والدولار
والتطور الأفتراضى
مسأله رد أعتبار
والتخبط الأعتباطى
مرجله تعديل مسار
أحنا بنحب المكاشفه
والحوار
أحنا غير دول المواجهه
والجوار
أحنا بنحب التأنى
أحنا عايشين بالتمنى
أحنا أجدع ناس تغنى
ف أنتظار عطف الكبار
كل أوقاتنا أنتظار
أحنا غير كل الشعوب
أحنا فرسان الحروب
أحنا وكستنا أنتصار
أحنا زى فيران تجارب
جوه معمل أختبار


_________________


حقانى عبد الحق حقانى

عم شمعه شاعر كبير
ومجهود مشكور لحقانى